常見問題 FAQ

網站落單相關 Ordering & Shipping

問：於網店落單但唔想用PayPal俾錢，可以點做？
答：可以用Payme/FPS/匯豐銀行轉賬，付款流程如下～

問：你哋Payme個QR Code 係咩？
答：Payme/FPS/匯豐銀行轉賬嘅資料喺訂單確認電郵中，請務必查閱。

問：用咗Payme/FPS/匯豐銀行轉賬俾錢，但仲未收到貨件嘅？
答：如喺訂單email中寫明，用PayMe/FPS/匯豐銀行轉賬俾錢後，必須截圖並回覆email以證明已經付款。如果冇做到呢一步，訂單將唔會進入下一步。

問：收到貨件寄出嘅email後，過咗兩日點解仲未收到郵件？
答：我哋喺郵局寄件後就會send order shipped email俾客人，而郵件係冇追蹤系統所以我哋都唔知物流去到邊。郵局送信嘅速度，視乎當區郵局派遞組嘅工作量同效率，送件日數由兩至七個工作天不定。我哋係每件郵件都有清楚寫低回郵地址，如果派遞唔成功，郵局會寄翻俾我哋呢～

問：用咗信用卡俾錢，仲使唔使send email？
答：即使用咗信用卡，我哋都好歡迎你補返一個email話我哋知你想點樣取貨（平郵、掛號或到付）。如果你想用平郵，請根據訂單確認電郵中嘅Payme/FPS/匯豐銀行轉賬嘅資料，補回劃一嘅平郵運費HKD10。如果你想用到付，請喺email中列明你嘅收件詳情。

貨品相關 Product

問：濕疹的話比較啱用邊隻產品？
答：非常推介有機純素茜草根修護霜！由滿有修復能力嘅茜草根做重點成分，可以加速傷口癒合、止痕、退紅同滋潤皮膚，用嚟做潤唇膏、暗瘡膏、濕疹膏都好啱用。全食用級用食物製造！喺接觸到人體皮膚嘅溫度，機純素茜草根修護霜就會溶成一層延展性高嘅油份，非常快吸收。

問：有機純素茜草根修護霜同有機純素茜草根強效修護膏有咩分別？
答：兩個大分別！一，茜草根嘅濃度；二，油份嘅不同。強效版中嘅茜草根比例係普通版嘅兩倍，所以佢喺加速傷口癒合、止痕等方面會更明顯。另外，強效版中有椰子油嘅成分，所以佢嘅延展性非常高，更適合用作潤唇膏。但又因為強效版有椰子油，我哋唔建議油性皮膚嘅朋友用作嚟搽上面部。

問：面膜要點樣貯存？存放期係幾耐？
答：只要存放得宜如扭實容器，同埋避免污染物如水喉水污染，所有面膜都可以存放一年，唔需要特別放入雪櫃。不過都有唔少客人鐘意放面膜入雪櫃，涼涼地敷上面～

問：買咗有機純素印度茜草根修護霜，但點解帶到返屋企佢溶溶哋嘅？
答：茜草根修護霜嘅Melting Point係24度，如果長期（幾小時已經係長期了）喺一個高於24度嘅空間佢就會變水狀🙏🏼 要將佢變返買嘅時候嘅模樣，需要放佢入雪櫃最少兩小時，令佢整體都低溫先可以！拎返出嚟後，記得再次均勻上下撈好。唔需要長期放雪櫃，亦唔需要長期開冷氣，放喺陰涼冇太陽曬嘅地方存放即可❤️

問：有機純素印度茜草根修護霜同有機原蜜修護霜有咩分別？
答：最大嘅分別係，有機純素印度茜草根修護霜係純素，而有機原蜜修護霜並唔係純素。兩者嘅質地亦有好大分別，前者遇體溫會溶成一層薄薄哋嘅油，後者呈蜜糖質感。

問：搽暗瘡用邊隻好？
答：有機原蜜修護霜可以幫助消炎，除非你係純素人士或對原蜜敏感，普遍客人都會買有機原蜜修護霜嚟做暗瘡膏。但因為佢嘅質地呈蜜糖狀，唔適合大範圍搽，如果暗瘡範圍好大嘅話我哋建議用有機純素印度茜草根修護霜。