有機純素印度茜草根修護霜 Organic Vegan Madder Root Healing Balm
有機純素印度茜草根修護霜 Organic Vegan Madder Root Healing Balm
我哋皇牌之中嘅皇牌零廢有機原蜜修護霜，始終都唔係純素，加上質地比較痴手，我哋都知道佢未必適合晒所有人⋯⋯ 所以我哋用一樣喺修護傷口方面超勁嘅印度茜草根，調配咗呢一個foodgrade嘅純素有機印度茜草根修護霜！
主要成分用咗有機印度茜草根、有機可可油、有機蓖麻油，加速傷口癒合之外，仲可以滋潤皮膚。印度茜草根喺草藥學中係一個專醫治傷口、消炎嘅植物，我哋將佢嘅根部磨成粉末，用嘅時候記得唔好用紙巾抹走顆狀嘅印度茜草根呀！就係呢啲顆狀印度茜草根幫大家修復傷口！
注意：這不是有機純素印度茜草根加強修護膏！
20200713 我哋改良咗配方，而家嘅有機印度茜草根修護霜質地好似lotion，推開係水油狀嘅。
功效：修復開放性傷口
主要成分：有機印度茜草根、有機可可油、有機蓖麻油
（此零廢產品將會用Savonnez可重用鐵盒盛載，價錢已包含鐵盒價格）
[ 離線付款 ]
結帳時輸入「OFFLINE」優惠碼，整張帳單價錢將會變為HKD0。提交訂單後，你將會收到有關支付方法的電郵(Payme/FPS/匯豐銀行轉賬)，請喺付款前自行加上全單Flat-Rate本地平郵郵費HKD10。
為了支授網域租借，網店產品價格會比門市高約5%，敬請見諒。
問：買咗有機純素印度茜草根修護霜，但點解帶到返屋企佢溶溶哋嘅？
答：茜草根修護霜嘅Melting Point係24度，如果長期（幾小時已經係長期了）喺一個高於24度嘅空間佢就會變水狀🙏🏼 要將佢變返買嘅時候嘅模樣，需要放佢入雪櫃最少兩小時，令佢整體都低溫先可以！拎返出嚟後，記得再次均勻上下撈好。唔需要長期放雪櫃，亦唔需要長期開冷氣，放喺陰涼冇太陽曬嘅地方存放即可❤️
問：有機純素印度茜草根修護霜同有機原蜜修護霜有咩分別？
答：最大嘅分別係，有機純素印度茜草根修護霜係純素，而有機原蜜修護霜並唔係純素。兩者嘅質地亦有好大分別，前者遇體溫會溶成一層薄薄哋嘅油，後者呈蜜糖質感。
問：搽暗瘡用邊隻好？
答：有機原蜜修護霜可以幫助消炎，除非你係純素人士或對原蜜敏感，普遍客人都會買有機原蜜修護霜嚟做暗瘡膏。但因為佢嘅質地呈蜜糖狀，唔適合大範圍搽，如果暗瘡範圍好大嘅話我哋建議用有機純素印度茜草根修護霜。
問：有機純素印度茜草根修護霜，同埋有機純素印度茜草根強效修護膏，有咩分別？
答：兩者最大分別係印度茜草根嘅濃度。後者嘅印度茜草根濃度為前者嘅兩倍，適用於嚴重傷口處。另外。修護霜嘅質地較為輕薄，而強效修護膏含有有機椰子油，質地較滋潤而厚身。
